پیگی وٹسن طویل عرصہ خلا میں رہنے والی خاتون بن گئیں

امریکی خاتون خلا باز پیگی وٹسن خلا میں زیادہ عرصے تک رہنے والی دنیا کی پہلی خاتون بن گئیں۔

57 سالہ خاتون خلا باز پیگی وٹسن نے امریکی شہری کی حیثیت سے زیادہ عرصے تک خلا میں رہنے کا اعزازحاصل کرلیاہے۔ امریکی صدر ڈونلڈ ٹرمپ نے خلائی اسٹیشن میں وڈیو کال کی اور پیگی کو ریکارڈ قائم کرنے پر مبارکباد دی۔

پیگی وٹسن سے پہلے امریکی خلا باز جیفری ولیمز نے خلا میں زیادہ دیر تک رہنے کا رکارڈ بنایا تھا۔ انہوں نے خلا میں 534 دن، 2 گھنٹے اور 48 منٹ گزارے ۔

ناسا کے مطابق پیگی نے 24 اپریل کو ایک بج کر 27 منٹ پر جیفری ولیمز کا ریکارڈ برابر کیا،وہ ابھی خلا میں موجود ہیں اور مزید وقت وہاں رہیں گی ۔