جمعہ سے گو نواز گو ہوگا، عمران خان

چیئرمین پاکستان تحریک انصاف عمران خان نے کہا ہے کہ جمعہ سے گونواز گو ہوگا، چیمپئن وہ ہوتا ہے جو شکست پر بھی ہار نہیں مانتا۔

پشاور کے حیات آباد اسپورٹس کمپلیکس میں خیبر پختونخوا انڈر 23 گیمز کی افتتاحی تقریب سے خطاب کرتے ہوئے عمران خان نے گیمزکے انعقاد پر خیبر پختونخوا حکومت اور محکمہ کھیل کو مبارک باد دی۔

ان کا کہنا تھا کہ یونس خان پہلا پاکستانی ہے جس نے 10ہزار رنز مکمل کیے ، اگر میں اسپورٹس مین نہ ہوتا تو آج ادھر نہ ہوتا، زندگی میں کوئی شارٹ کٹ نہیں ہوتا، اسپورٹس جیتنا اور ہارنا سکھاتا ہے، کے پی کے میں کھیل کے سو میدان تیار کئے جا رہے ہیں ۔

حیات آباد اسپورٹس کمپلیکس میں موجود لوگوں نے تالیاں بجاکریونس خان کو خراج تحسین پیش کیا۔