انٹرمیڈیٹ بورڈ کراچی کے تحت گیارہویں اور بارہویں جماعت کے امتحانات آج شروع ہورہے ہیں جن میں دولاکھ سے زائد امیدوار شرکت کریں گے۔
کراچی میں گیارہوں اور بارہویں جماعت کے پرچے دو شفٹوں میں ہوں گے، صبح کی شفٹ میں پری انجینئرنگ، پری میڈیکل، ہوم اکنامکس اور میڈیکل ٹیکنالوجی کے پرچے ہوں گےجن میں ایک لاکھ تین ہزار 727 امیدوار شرکت کریں گے، طلبہ کیلئے57اور طالبات کیلئے51امتحانی مراکز بنائےگئے ہیں۔
سیکنڈ شفٹ میں کامرس ریگولر اور کامرس پرائیویٹ کے پرچے ہوں گے جن میں 78 ہزار305سے زائد امیدوار شرکت کریں گے، طلبہ کےلئے 60اور طالبات کیلئے44امتحانی مراکز قائم کئے گئے ہیں۔
چیئرمین انٹر بورڈ کا کہنا ہے کہ طالبات کے امتحانی مراکز میں خواتین پر مشتمل وجیلنس اور طلبا کیلئے مرد اساتذہ پر مشتمل ٹیمیں تشکیل دی گئی ہیں ۔