کیوبا میں فوجی طیارہ گر کر تباہ، آٹھ فوجی ہلاک

لاطینی امریکہ کے ملک کیوبا میں فوجی طیارہ گر کر تباہ ہوگیا۔ حادثے میں آٹھ فوجی ہلاک ہوگئے۔

حادثہ کیوبا کے مغربی پہاڑی علاقے میں پیش آیا۔ طیارے نے دارالحکومت کے نواح میں واقع ایک ایئرپورٹ سےاُڑان بھری۔ پرواز کے بعد 55 کلومیٹر دور طیارہ زمین پہ آگرا۔

فوجی ترجمان نے طیارے میں سوار آٹھوں فوجیوں کی ہلاکت کی تصدیق کرتے ہوئے کہا ہے کہ حادثے کی انکوائری کی جارہی ہے۔