لاہور میں گردے کی غیرقانونی پیوند کاری کے الزام میں گرفتار کئے گئے چار ملزمان کو جوڈیشل مجسٹریٹ کی عدالت میں پیش کردیا گیا۔
عدالت نے چاروں ملزموں کو 14روز کے جوڈیشل ریمانڈ پر جیل بھیج دیا، عدالت نے اگلی سماعت پر ایف آئی اے کو ملزمان کا چالان پیش کرنے کا حکم دیا ہے ۔
لاہور کی مقامی عدالت نے گردوں کی غیر قانونی پیوند کاری میں ملوث2 ڈاکٹروں سمیت4 ملزموں کو جسمانی ریمانڈ ختم ہونے پر 14دن کے جوڈیشل ریمانڈ پر جیل بھیج دیا ۔
ایف آئی اے نے ڈاکٹر فواد، ڈاکٹر التمش،عمر دراز اورشہزاد کو جسمانی ریمانڈ ختم ہونے پر جوڈیشل مجسٹریٹ کی عدالت میں پیش کیا۔
ایف آئی اے نےعدالت سے استدعا کی کہ ملزموں سے تفتیش مکمل ہوگئی ہے، اس لیے انہیں جوڈیشل ریمانڈ پر جیل بھیج دیا جائے۔
عدالت نےچاروں ملزمان کو 14 دن کے جوڈیشل ریمانڈ پر جیل بھیج دیا اور ایف آئی اے کو ہدایت کی کہ وہ ملزمان کے خلاف چالان پیش کریں، ملزمان کو اب 29 مئی کو عدالت میں پیش کیا جائے گا۔
فرمان الہی
نماز کے اوقات
