افغانستان میں سرکاری ٹی وی اور ریڈیو کی عمارت پر مسلح حملے میں دو افراد ہلاک اور درجن سے زائدزخمی ہوگئے۔
حکومتی ترجمان کے مطابق افغان شہر جلال آباد میں سرکاری ریڈیو اور ٹی وی اسٹیشن کی عمارت پر چار مسلح افراد نے حملہ کیا، حملے کے بعد سیکورٹی اہلکاروں اور حملہ آوروں کے درمیان فائرنگ کا تبادلہ ہوا۔
اس دوران دو حملہ آوروں نے اپنے آپ کو دھماکے سے اڑا لیاجبکہ تیسرا حملہ آور پکڑا گیا ہے جبکہ چوتھے حملے آور مزاحمت جاری رکھی ۔
حملے کے وقت عمارت میں چالیس ملازمین موجود تھے، کچھ عمارت میں سے نکلنے میں کامیاب ہوگئےجبکہ کئی عمارت میں محصورہوکر رہ گئے۔
فائرنگ کے بعداطراف کی دکانیں بند کرا دی گئی اورلوگوں کو محفوظ مقامات پرمنتقل کیا گیا۔