عالمی ادارہٴ صحت نے تصدیق کی ہے کہ یمن میں ہیضے کی وبا پھوٹنے سے کم از کم 242 افراد ہلاک ہو چکے ہیں۔
ساڑھے تئیس ہزار ہیضے کے مریض طبی مراکز تک علاج کے لیے لائے گئے ہیں۔ ڈبلیُو ایچ او کے مطابق صرف جمعرات کو ہیضے کے مرض میں مبتلا 20 انسان جان کی بازی ہار گئے اور ساڑھے 3 ہزار سے زائد مریضوں کو رجسٹر کیا گیا۔
عالمی ادارے کے مطابق یمن میں ہیضے کی وبا انتہائی سرعت کے ساتھ پھیل رہی ہے اور اگر اس پر فوری طور قابو نہ پایا گیا تو رواں برس کے اختتام پر اس مرض میں مبتلا افراد کی تعداد لاکھوں تک پہنچ جائے گی۔