وزیراعظم آزادکشمیر راجہ محمد فاروق حیدر خان سے جموں کشمیر ہاؤس میں کشمیر کونسل یورپ کے چیئرمین علی رضا سید نے ملاقات کی۔
وزیراعظم آزادکشمیر نے یورپ میں تحریک آزادی کشمیر بالخصوص مقبوضہ کشمیر کی صورتحال اور انسانی حقوق کی خلاف ورزیوں سے متعلق آگاہی اور کشمیریوں کا مقدمہ مؤثر انداز میں اجاگر کرنے کے حوالے سے کشمیر کونسل یورپ کے کردار کو سراہا۔
انہوں نے کہا کہ یورپ میں کشمیریوں کی آوا ز کو پہنچانے میں علی رضا سید اور ان کی ٹیم کی کاوشیں لائق تحسین ہیں، حکومت انہیں قدر کی نگاہ سے دیکھتی ہے۔
علی رضا سید نے اس موقع پر ریاست کے اندر گڈ گورننس، میرٹ کی بحالی اور بلا تخصیص تعمیر و ترقی کے لیے وزیراعظم آزادکشمیر کی قیادت میں اٹھائے گئے اقدامات پر اطمینان کا اظہار کیا۔
چیئرمین کشمیر کونسل یورپ نے کہا کہ آزادریاست کے اندر گڈ گورننس کے قیام کا لائن آف کنٹرول کے اس پار انتہائی مثبت اثر پڑے گا، علی رضا سید نے وزیراعظم آزاد کشمیر کو دورۂ یورپ کی دعوت بھی دی۔
فرمان الہی
نماز کے اوقات
