کراچی میں بجلی کا بحران بد دستور برقرار ہے اور غیر اعلانیہ لوڈشیڈنگ نے کے الیکٹرک کے دعوے ہوا میں اڑا دئیے ہیں۔
گرمی کی شدت کے اضافے کے ساتھ شہر میں بجلی کا بحران بھی تیزی پکڑ گیا ہے، شہر کے کئی علاقوں میں بجلی کی غیر اعلانیہ لوڈشیڈنگ کا سلسلہ جاری ہے۔
ملیر ہالٹ، شاہ فیصل ٹاؤن، شمسی سوسائٹی سمیت ، گلزاری ہجری، اورنگی ٹاؤن، کورنگی اور ایف بی ایریا شامل ہے جہاں بجلی کی غیر اعلانیہ لوڈشیڈنگ کا دورانیہ 8 سے 9 گھنٹے تک جاپہنچا ہے۔
دوسری جانب غیراعلانیہ لوڈشیڈنگ پرکے الیکٹرک کی جانب سے فنی خرابی کا عذر پیش کیا جاتا ہے۔