برطانوی پولیس نے مانچسٹر دھماکے کے سلسلے میں ساؤتھ مانچسٹر سے 23 سالہ شخص گرفتار کرلیا ہے،برطانوی میڈیا کے مطابق گرفتار شخص کی شناخت ظاہرنہیں کی گئی ۔
برطانوی پولیس کے مطابق مانچسٹر ایرینا دھماکے میں 22 افراد ہلاک جبکہ 60 زخمی ہوئے ہیں،ارینا میں حملہ آوربھی مارا گیا،جس کے پاس بارودی مواد تھا، جس سے اس نے دھماکا کیا۔
برطانوی وزیراعظم تھریسامے نے دھماکے کو دہشت گرد کارروائی قراردے دیا ہے۔
حملہ آور نے مانچسٹر میں امریکی گلوکارہ آریانا گرینڈے کے ہونے والے کنسرٹ کو دہشت گردی کا نشانہ بنایا۔