اقوام متحدہ کی سلامتی کونسل نے شمالی کوریا کے حالیہ میزائل تجربے کی شدید مذمت کرتے ہوئے اس عزم کا اظہار کیا ہے کہ عالمی ادارہ کے تمام رکن ممالک پر شمالی کوریا کے خلاف پابندیاں مذید سخت کرنے پر زور دیا جائے گا۔
سلامتی کونسل کی طرف سے جاری بیان جس کی حمایت شمالی کوریا کے اتحادی ملک چین نے بھی کی ہے، میں کہا گیا ہے کہ سلامتی کونسل کی پابندی عائد کرنے والی کمیٹی کو ہدایت کر دی گئی ہے کہ وہ شمالی کوریا کے خلاف گذشتہ سال عائد کی گئی پابندیوں کے اثرات کو دوگنا کرنے کے لئے فوری اور ضروری اقدامات کرے۔
بیان کے مطابق سلامتی کونسل نے شمالی کوریا کو عدم استحکام پیدا کرنے والے رویئے سے باز رکھنے کےلیے اس پر مزید پابندیاں عائد کرنے پر بھی اتفاق کیا ہے۔ بیان میں شمالی کوریا پر زور دیا گیا ہے کہ وہ مزید جوہری اور بیلسٹک میزائلوں کے تجربات نہ کرے۔