گولی ملالہ کی گردن سے بازو تک آئی تھی، ڈاکٹر ممتاز

ملالہ کا علاج کرنےوالے ڈاکٹر ممتاز علی کا کہناہے کہ ملالہ کا معائنہ کیا تو وہ بے ہوش تھی ،گولی ملالہ کی گردن سے بازو تک آچکی تھی ۔

ملالہ یوسف زئی پر حملے کے بعد اس کا علاج کرنےوالے ڈاکٹر ممتاز علی نے پروگرام ’آج شاہزیب خانزادہ کے ساتھ ‘میں گفتگو کرتے ہوئے کہا کہ رات گیارہ بجے فون آیا کہ مریضہ کی حالت نازک ہے، انتقال ہو سکتا ہے۔

انہوں نے بتایا کہ میں نے فوری طورپر ہوا کی نالی میں سوراخ کیا تاکہ ملالہ سانس لے سکے اور پھر اس کے دماغ کا فوری آپریشن کیا اور گولی نکالی۔

ڈاکٹر ممتاز کے مطابق ملالہ کی سرجری ساڑھے چار بجے ختم ہوئی جس کے بعد اسے سی ایم ایچ منتقل کیا گیا۔

انہوں نے کہا کہ وہ حج کرکے واپس آئے تو پتا چلا کہ ملالہ کو بیرون ملک منتقل کردیا گیا ہے ۔

انہوں نے بتایا کہ بات کرنے پر ملالہ کے چہرے میں خم آتا ہے۔