وفاقی وزیرداخلہ چوہدری نثار نے سوشل میڈیا کے لیے ضابطہ کار بنانے کی ہدایت جاری کردی۔
وزارت داخلہ کے مطابق چوہدری نثار نے اس حوالے سے چیئرمین پی ٹی اے کو ہدایات جاری کر دیں، ایس او پی بنانے کا مقصد سوشل میڈیا پر توہین اور ہتک آمیز مواد کی روک تھام ہے ۔
وزیر داخلہ کی جانب سے چیئرمین پی ٹی اے کوسوشل میڈیا کو ریگولیٹ کرنے کے لیے مختلف ممالک کے قوانین کا جائزہ لینے کی ہدایت کی گئی ہے۔
چوہدری نثار نے رجسٹرڈ عالمی این جی اوز کے لیے وزارت داخلہ میں ونگ قائم کرنے کی بھی ہدایت کی ہے۔
وزیرداخلہ نے اسپیکر قومی اسمبلی ایاز صادق سے تمام پارلیمانی رہنماؤں کا اجلاس بلانے کی درخواست بھی کی ہے۔
فرمان الہی
نماز کے اوقات
