ٹرمپ کا ہیلتھ بل ، کروڑوں امریکیوں کی انشورنس ختم ہو جائے گی

امریکی ڈونلڈ ٹرمپ جو ہیلتھ کیئر بل لارہے ہیں اگر وہ نافذ ہوگیا تو اسکے نتیجے میں کروڑوں امریکی عوام ہیلتھ انشورنس سے محروم ہوجائیں گے۔

اس حوالے سے حال ہی میں ایک غیر سیاسی امریکی ادارے نے کہاہے کہ ہیلتھ کیئر سے متعلق ریپبلکن پارٹی جس نئے منصوبے پر کام کر رہی ہے، اس سے آئندہ ایک عشرے میں ہی تقریبا دو کروڑ 30 لاکھ افراد اپنی ہیلتھ انشورنس پالیسی سے محروم ہوجائیں گے۔

میڈیارپورٹس کے مطابق سی بی او نامی ایجنسی نے کہاکہ پہلے کے مقابلے میں جو نیا منصوبہ تیار کرنے کی کوشش ہورہی ہے اس کے تحت تقریبا ًدس لاکھ لوگوں کا بیمہ کم ختم ہوگا۔ پہلے والے بل کے تحت تقریبا دو کروڑ 40 لاکھ لوگ اپنے انشورنس سے محروم ہوسکتے تھے۔