آسٹریلیا کی وزیر خارجہ جولی بشپ نے کہا ہے کہ امریکا کو خدشہ ہے کہ شمالی کوریائی جوہری ہتھیار سازی کی وجہ سے ایشیا پیسیفک کے خطے میں اسلحے کی دوڑ شروع ہو سکتی ہے۔
امریکی ٹی وی کے مطابق جمعہ کو میڈیا سے بات چیت کرتے ہوئے جولی بشپ نے کہاکہ اِس امریکی خدشے سے اقوام متحدہ میں مستقل امریکی مندوب نِکی ہیلی نے انہیں مطلع کیا ہے۔
بشپ اور نکی ہیلی کے درمیان ملاقات نیویارک میں جمعرات کو ہوئی تھی۔آسٹریلوی وزیر خارجہ نے یہ بھی بتایا کہ امریکا شمالی کوریا کی جانب سے جوہری ہتھیار سازی اور بیلسٹک میزائل کے تجربات معطل کر دینے کی صورت میں مذاکراتی عمل میں شریک ہونے پر رضامند ہے۔