بھارتی گلوکار ابھیجیت بھٹاچاریہ کی حمایت میں ٹوئٹر چھوڑنے والے گلوکار سونو نگم کو بالی ووڈ اسٹار انوپم کھیر نے مختصر مگر پراثر مشورہ دیا ہے۔
سماجی ر ابطے کی ویب سائٹ’ ٹوئٹر‘ پر اپنے پیغام میں انہوں نے سونو نگم کو مشورہ دیا کہ ’ وہ کچھ لوگوں کی منفی باتوں سے متاثر نہیں ہوں‘۔
انوپم کھیر نے مزید کہا کہ ’پیارے سونو ! تم نے اپنی شناخت خود بنائی ہے، تم بہادر ہو، متاثر کن ہو، کامیاب انسان ہو اور ایک سپاہی ہو، دوسروں کی منفی باتوں سے خود کو متاثر مت ہونے دو۔
خیال رہے خواتین کے خلاف نازیبا تبصرے کے بعد ابھیجیت کا ٹوئٹر اکاؤنٹ عارضی طور پر بند کر دیا گیا تھا، جس کے خلاف سونو نے بھی ٹوئٹر کو الوداع کہہ دیا۔