امریکی باکس آفس پرقزاقوں نے قبضہ جمالیا

نارتھ امریکن باکس آفس پرقزاقوں نے قبضہ جمالیا ،’ پائریٹس آف دی کیریبیئن ، ڈیڈ مین ٹیل نو ٹیلز‘ چھا گئی ۔پریانکا چوپڑا کی ’بے واچ‘ خلاف توقع بڑا بزنس نہ کرسکی اورتیسرے نمبرپر رہی ۔

’ سپراسٹار جانی ڈیپ کی پائریٹس آف دی کیریبیئن ، ڈیڈ مین ٹیل نوٹیلز‘ نے 6 ارب 22کروڑ روپے بٹورکرپہلی پوزیشن حاصل کرلی تاہم ڈزنی کی اس فرنچائز کی دیگر فلموں کی اوپننگ سے اس کا بزنس کم رہا ۔

کہکشاؤں کے محافظوں کی ا جنبی مخلوق سے لڑائی بھی پسند کی جارہی ہے۔’گارڈینزآف دی گلیکسی 2‘ دوارب روپے سمیٹ کردوسرے نمبرپررہی ۔

ماضی کی مقبول ٹیلی ویژن سیریز ’بے واچ‘ سمندر میں لوگوں کی جانیں بچانے والے لائف گارڈز کی کہانی ہے جسے پہلی بارسلوراسکرین پرپیش کیا گیا ہے۔

سپر اسٹار ڈاونی جانسن اور بالی ووڈ اداکارہ پریانکا چوپڑا کی اداکاری سے سجی فلم ’بے واچ‘ توقع کے برعکس پہلے ہفتے میں بڑا بزنس نہ کرسکی اورایک ارب 80 کروڑ کما کرتیسرے نمبرپربراجمان ہے۔