ٹیسٹ کرکٹ میں سب سے زیادہ وکٹیں حاصل کرنے والے سری لنکن اسپنر مرلی دھرن کو آئی سی سی ہال آف فیم میں شامل کر لیا گیا ۔
جمعرات کو سری لنکا اور بھارت کے درمیان چمپئنز ٹرافی کے میچ میں اننگز بریک کے دوران لندن میں ایک تقریب میں مرلی دھرن کو یہ اعزاز دیا گیا۔
مرلی دھرن ٹیسٹ کرکٹ میں 800 وکٹیں حاصل کرنے والے دنیا کےواحد بولر ہیں جبکہ ون ڈے کرکٹ میں بھی مرلی نے 534 شکار کیے ہیں ۔
Retired @OfficialSLC spinner Muttiah Muralidaran was today formally inducted into the ICC Cricket Hall of Fame at The Oval. pic.twitter.com/CpG19hh9vw
— ICC Media (@ICCMediaComms) June 8, 2017
لندن کی تقریب میں آئی سی سی کے چیف ایگزیکٹو ڈیوڈ رچرڈسن نے مرلی دھرن کو اعزازی کیپ دی۔
اس موقع پر مرلی دھرن کا کہنا تھا کہ ’یہ ان کےلیے انتہائی فخر اور اعزاز کی بات ہے‘۔
مرلی دھرن سری لنکا کی جانب سے پہلے کرکٹر ہیں جنہیں آئی سی سی ہال آف فیم میں شامل کیا گیا ہے۔