لندن: مشتبہ پیک کی اطلاع پر شاپنگ سینٹر خالی کروالیا گیا

مغربی لندن کے ایک شاپنگ سینٹر میں مشتبہ پیک کی خبر ملنے کے بعد مارکیٹ کو خالی کروالیا گیا۔ پولیس نے سینٹر کےقریب موجود عربی لباس پہنے مردوں سمیت ایک خاتون کو بھی حراست میں لے لیا۔

لندن کے علاقے "ایلنگ براڈوے "میں قائم ایک شاپنگ سینٹر کو اُس وقت خالی کروالیا گیا جب شہریوں کی جانب سے مشکوک پیکٹ کی موجودگی کی اطلاع دی گئی۔

خبرملتے ہی ریسکیو حکام، فائر سروس اور پولیس اہلکاروں کی بڑی تعداد جائے وقوع پر پہنچ گئی۔

رپورٹس کے مطابق شاپنگ سینٹرکو بطورحفاظت خالی کروالیاگیا جبکہ شاپنگ سینٹر کے قریب ہی موجود عربی لباس پہنے دومردوں اور ایک خاتون کو حراست میں لے لیا گیا ۔