نیول اسٹاف ایڈمرل محمد ذکاء اللہ کی سری لنکن صدر سے ملاقات

چیف آف دی نیول اسٹاف ایڈمرل محمد ذکاءاللہ نے دورہ سری لنکاکے دوران سری لنکن صدرمتھری پالا سری سینا سےملاقات کی جس میں صدرنے سیلاب کے دوران پاک بحریہ کی جانب سے امداد اور تعاون پر پاک بحریہ اور پاکستانی عوام کا شکریہ بھی ادا کیا۔

ترجمان پاک بحریہ کے مطابق دورہ سری لنکا میں نیول چیف نے سری لنکن وزیر مملکت برائے دفاع دینندرا دوان اور سیکرٹری برائے وزارت دفاع کرونا سنہاسے بھی ملاقاتیں کی اور باہمی دلچسپی کے امور پر تبادلہ خیال کیا ۔

ترجمان پاک بحریہ نے بتایاکہ ملاقات میں سری لنکن صدر اور دیگر اعلیٰ حکام نے خطے میں میری ٹائم سیکورٹی کے فروغ میں پاک بحریہ کی انتھک کاوشوں کو بھی سراہا۔

ملاقات میں اس بات کا بھی عزم ظاہر کیا گیا ہےکہ مستقبل میں بھی پاک بحریہ سری لنکن افواج سے تربیت، افرادی قوت اور تکنیکی مہارت کے شعبوں میں ہر ممکن تعاون کرتی رہے گا۔