شام میں امریکی ہیمرز میزائل کی تنصیب سے روس کو تشویش

روس نے مشرقی شام میں امریکا کی جانب سے متعدد راکٹ لانچرز کی تنصیب کے اقدام پر تحفظات کا اظہار کیا ہے۔

غیر ملکی خبر رساں ادارے کے مطابق روسی وزارت دفاع کی جانب سے جاری ہونے والے بیان میں کہا گیا ہے کہ یہ ناممکن نہیں کہ دو ہیمرز لانچرز جنھیں الطنف میں نصب کیا جا رہا ہے ان فورسز کے خلاف استعمال ہو جائیں جو شدت پسند تنظیم داعش کے خلاف لڑ رہی ہیں۔

ان راکٹ لانچرز کے بارے میں اطلاعات ہیں کہ انھیں جاپان سے الطنف تک لایا گیا ہے اور انھیں باغی اور مغربی اسپیشل فورسز استعمال کر رہی ہیں۔

ادھر شامی حکومت نے اسی ہفتے کہا تھا کہ اس نے طنف کے علاقے میں اپنا قبضہ بحال کر لیا ہے۔