• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جے آئی ٹی تیسری رپورٹ کل سپریم کورٹ میں جمع کرائے گی

تازہ ترین
قومی خبریں
21 جون ، 2017
Jit Will Submit The Third Report To The Supreme Court Tomorrow

پاناما تفتیش کے 45 دن مکمل ہونے پر جے آئی ٹی اپنی تیسری رپورٹ کل سپریم کورٹ میں جمع کرائے گی۔

جے آئی ٹی پاناما کیس سے متعلق اپنی 2 رپورٹیں سپریم کورٹ میں جمع کرا چکی ہے۔ اس سے پہلے جے آئی ٹی کی جانب سے 7 جون کو دوسری رپورٹ جمع کرائی گئی تھی۔

پچھلی سماعت میں ججز نے رپورٹ پڑھنے کے بعد سربمہر کر کے رجسٹرار آفس میں جمع کرادی تھی۔

سپریم کورٹ کا کہنا تھا کہ تحقیقات درست سمت میں جا رہی ہے اور یہ کہ جے آئی ٹی کے لیے مقررہ 60 دن کی مدت پر کوئی سمجھوتہ نہیں ہوگا۔

سپریم کورٹ تصویر لیک معاملے پر کمیشن کی تشکیل اورجے آئی ٹی میں دوران تفتیش آڈیو ویڈیو ریکارڈنگ رکوانے کی حسین نواز کی درخواست مسترد کر چکی ہے۔

عدالت نے ریمارکس دئیے کہ آڈیو/ ویڈیو ریکارڈنگ ثبوت کے طور پر پیش نہیں کی جاسکتی۔ قانونی حیثیت صرف تحریری بیان کی ہو گی۔

تازہ ترین