ایک امریکی شہری نے مسلسل 2ہزار روز تک ڈزنی لینڈ جاکر اپنی نوعیت کا انوکھا ریکارڈ قائم کردیا ہے۔
جیف ریٹز نامی کیلی فورنیا کے رہائشی یکم جنوری 2012 سے مسلسل ہرروز ڈزنی لینڈ جاتے ہیں۔
ابتدا میں انہوں نے بےروزگاری کے سبب یہ مشغلہ شروع کیا تھا تاہم پھر اسے باقاعدہ عادت بنالیا ۔
چوالیس برس کے جیف ریٹز کا کہنا ہے کہ ابتدائی طور پر ایک برس بعد انہوں نے اس سلسلے کو ختم کرنا کا سوچا تھا تاہم پھر اس کے خلاف فیصلہ کیا۔
ان کا کہنا تھا کہ اب ایسا کرنا ان کے لیے نہ صرف معمولات زندگی بلکہ جزو لازم بن گیا ہے۔