گمراہ کن پروپیگنڈے سے حکومت کو کچھ نہیں ہوگا، آصف کرمانی

وزیر اعظم میاں نواز شریف کے پولیٹیکل سیکریٹری ڈاکٹر آصف کرمانی کا کہنا ہے کہ گمراہ کن پروپیگنڈے سے حکومت کو کچھ نہیں ہوگا۔

وزیر اعظم کے پولیٹیکل سیکریٹری آصف کرمانی نے ایک بیان میں کہا ہے کہ کل تک لال حویلی والا ن لیگ میں شمولیت کیلئے منتیں کر رہا تھا۔

انہوں نے کہا کہ کچھ لوگ روزگارکی تلاش میں ہلکان ہوئے جا رہے ہیں، یہ سیاسی بے روزگار ہیں اور بے روزگار ہی رہیں گے، بنی گالہ کی چوکھٹ پر ناچنے والوں کے ہاتھ کچھ نہیں آئے گا۔

آصف کرمانی کا مزید کہنا ہے کہ مسلم لیگ ن نواز شریف کی قیادت میں متحد اور مضبوط ہے، وزیر اعظم کی قیادت میں ترقی کا سفر جاری رہے گا۔