جسٹس آصف سعید نے قائم مقام چیف جسٹس کا حلف اٹھالیا

سپریم کورٹ میں جسٹس آصف سعید کھوسہ نے قائم مقام چیف جسٹس کے عہدے کا حلف اٹھالیا۔

حلف برداری کی تقریب سپریم کورٹ میں ہوئی جس میں جسٹس دوست محمد خان نے جسٹس آصف سعید کھوسہ سے حلف لیا۔

تقریب میں سپریم کورٹ کے جج صاحبان اٹارنی جنرل اور رجسٹرار نے بھی شرکت کی۔

جسٹس آصف سعید کھوسہ چیف جسٹس پاکستان میاں ثاقب نثار کی عدم موجودگی میں قائم مقام چیف جسٹس کی حیثیت سےفرائض سر انجام دیں گے۔

واضح رہے کہ چیف جسٹس ثاقب نثار عمرہ کی ادائیگی کےلئے ان دنوں سعودی عرب گئے ہوئے ہیں ۔