بعض ملکوں کو چھوٹ این پی ٹی کیلئےچیلنج ہے، ملیحہ لودھی

اقوام متحدہ میں پاکستان کی مستقل مندوب ملیحہ لودھی نے کہا ہے کہ نیوکلیئر سپلائر گروپ کی رکنیت کے لیے بعض ملکوں کو چھوٹ دینا ایٹمی پھیلاؤ کے لیے خطرہ ہوگا۔

انہوں نے زور دیا کہ نیوکلیئر سپلائر گروپ کی رکنیت کے لیے بعض ملکوں کوچھوٹ دینا ایٹمی ہتھیاروں کے پھیلاؤ کو روکنے کی راہ میں حائل ایک اور اہم چیلنج ہے۔

سلامتی کونسل میں ایٹمی ہتھیاروں کے حوالے سے بحث کےد وران ملیحہ لودھی کا کہنا تھا کہ نیوکلیئر سپلائر گروپ کی رکنیت کے لیے امتیاز نہ برتا جائے۔

انہوں نے مزید کہا کہ ان امتیازی اقدامات سے ایٹمی ہتھیاروں کے پھیلاؤ کے حوالے سے خدشات بڑھ جاتے ہیں۔

ملیحہ لودھی نے مزید کہا کہ پرامن مقاصد کے لیے ایٹمی مواد فوجی مقاصد کے لیے بھی استعمال ہو سکتا ہے اور خطے کے استحکام کو نقصان پہنچ سکتا ہے۔