لاہور میں پتنگ بازوں اور ون وہیلروں کے خلاف پولیس نے کریک ڈاؤن کر کے شہر کے مختلف علاقوں سے 24افراد کو گرفتار کر لیا۔
ڈی آئی جی آپریشنز ڈاکٹر حیدراشرف کے مطابق پولیس کو پتنگ بازوں اور ون وہیلروں کے خلاف سخت ایکشن لینے کی ہدایت جاری کردی گئی ہے۔
پولیس نے لاہورمیں پتنگ بازوں اورون وہیلروں کے خلاف کریک ڈاؤن کیا اور 20 پتنگ بازوں اور 4 ون وہیلروں کو گرفتار کر کے 22 مقدمات درج کر لیے۔
پولیس نے ون وہیلنگ کرنے والے دو لڑکوں کی موٹرسائیکلیں تحویل میں لے لیں جبکہ پتنگ بازوں سے بڑی تعداد میں پتنگیں اور ڈور برآمد کر لی گئی ہے۔