مقبوضہ کشمیر میں مزید 3 نوجوان شہید

12 جولائی ، 2017

More Than 3 Young Martyrs In Occupied Kashmir

مقبوضہ کشمیر میں قابض بھارتی فوج نے کریک ڈاؤن کے دوران مزید 3 کشمیری نوجوانوں کو شہید کردیا۔

کشمیر میڈیا سروس کے مطابق مقبوضہ کشمیر کے ضلع بدگام کے علاقے رادبگ میں قابض بھارتی فوج نے گھر گھر تلاشی لی اور کریک ڈاؤن کے دوران 3 کشمیری نوجوانوں کو فائرنگ کر کے شہید کردیا۔

شہید ہونے والے نوجوانوں کی شناخت جاوید شیخ، داؤد احمد اور عاقب گل کے نام سے ہوئی ہے۔

ادھر پولیس نے دعویٰ کیا ہے کہ کریک ڈاؤن کے دوران مارے جانے والے نوجوانوں کا تعلق حزب المجاہدین سے تھا جنہیں سیکیورٹی فورسز نے ایک گھر پر چھاپے کے دوران مقابلے کے بعد ہلاک کیا۔

دوسری جانب بھارتی فوج کے کریک ڈاؤن اور بربریت کے خلاف مسلسل پانچویں روز شوپیاں کے علاقے میں ہڑتال کا سماں ہے۔

خیال رہے کہ تحریک آزادی کے کمانڈر برہان مظفر وانی کی شہادت کے بعد سے وادی بھر میں قابض بھارتی سیکورٹی فورسز کے خلاف کشمیریوں کے احتجاج میں مزید شدت آگئی ہے۔

تازہ ترین