شریف خاندان کی جے آئی ٹی رپورٹ چیلنج کرنے کی درخواست تیار

شریف خاندان نے جے آئی ٹی رپورٹ کو چیلنج کرنے کے لیے درخواست کامسودہ تیار کر لیاجو کل سپریم کورٹ میں جمع کرائے جانے کا امکان ہے۔

ذرائع کے مطابق شریف خاندان کی درخواست میں بغیر تصدیق اور ذرائع پر مبنی دستاویزات استعمال کرنے سمیت اہم اعتراضات کیے جا ئیں گے۔

ذرائع نے بتایا کہ درخواست کے مسودے پر وزیر اعظم سے مشاورت کر لی گئی ہے، جے آئی ٹی رپورٹ کو چیلنج کرنے کی درخواست خواجہ حارث کی سربراہی میں قانونی ٹیم جمع کرائے گی ۔

ذرائع کے مطابق درخواست میں سپریم کورٹ سے استدعا کی جائےگی کہ کوئی بھی کاروائی شروع کرنے سے پہلے اس درخواست پر فیصلہ کیا جائے۔