دنیا کی سب سے بڑی فوج چین کی ہے لیکن اب اس کی تعداد میں تاریخ کی سب سے بڑی کمی کرنے کا فیصلہ کرلیا گیا ہے۔
چینی فوج کی تاریخ میں یہ پہلا موقع ہوگا کہ اس کی فوج کی تعداد 23لاکھ سے کم ہوکر تقریباً 10 لاکھ رہ جائے گی ۔
ماضی میں فوج زمینی جنگ اور ہوم لینڈ ڈیفنس کو زیادہ توجہ دیتی رہی ہے لیکن اب کچھ بنیادی تبدیلیاں آرہی ہیں۔
چین کی پیپلز لبریشن آرمی بری فوج میں کمی کرے گی لیکن دیگر سروسز میں اضافہ کرے گی، جن میں بحریہ اور میزائل فورسز شامل ہیں۔
ایک جانب بری فوج کی تعداد میں کمی کی جائے گی تو دوسری جانب بحریہ، سٹریٹجک سپورٹ فورس اور راکٹ فورس کی تعداد بڑھائی جائے گی۔
ائیرفورس کے ایکٹو سروس اہلکاروں کی تعداد جوں کی توں برقرار رہے گی۔