الیکشن سے پہلے ہی لٹیروں کا گٹھ جوڑ ہوچکا،ایاز پلیجو

قومی عوامی تحریک کے سربراہ ایاز لطیف پلیجو نے کہا ہے کہ لٹيروں کا 2018 ءکے الیکشن کےلیے پھر سے گٹھ جوڑ ہو چکا ہے ۔

ماتلی میں ریلی کے بعد جلسے سےخطاب میں ایاز لطیف پلیجو نے کہا کہ سندھ کے عوام کو ڈرامے بازوں کے چنگل سے نکلنا ہوگا ۔

ان کا مزید کہناتھاکہ سندھ کو ظالم وڈيروں، بھتہ خوروں اور کرپٹ وزیروں سے دائمی نجات دلانے کا وقت آگيا ہے ۔

قومی عوامی تحریک کے سربراہ نے کہا کہ سندھ کے 14 اضلاع کے لوگ گٹر کا گندہ پانی پینے پر مجبور ہیں،جو حکومت عوام کو صاف پانی نہیں دے سکتی وہ باقی بنیادی سہولتیں کیا دے گی۔

ایاز پلیجو نے کہا کہ پیپلزپارٹی کا ایجنڈا ذوالفقارآباد، تھر میں بچوں کی اموات اورسرکاری زمینوں پر قبضے ہیں۔