مقبوضہ کشمیر میں سرینگر جموں شاہراہ پر بانیہال کے نزدیک ایک ٹریفک حادثے میں کم از کم 16امرناتھ یاتری ہلاک جبکہ تیس کے قریب یاتری زخمی ہو گئے۔
کشمیر ی و دیگر ذرائع ابلاغ کے مطابق یاتریوں سے بھری بس سرینگر کی طرف رواں دواں تھی کہ ضلع رامبان کے قریب ناچلانا کے مقام پر اس کا ٹائر پھٹ گیا اور وہ ایک گہرے نالے میں جاگری۔
حادثے میں سولہ یاتری موقع پر ہی ہلاک ہو گئے۔جبکہ ڈھائی درجن کے قریب افراد زخمی ہوگئے۔ ذرائع کے مطابق شدید زخمی یاتریوں کوائیر لفٹ کر کے دیگر مقامات پر منتقل کیا گیا تاکہ انھیں بہتر علاج میسر آسکے۔