اسپین میں رولر کوسٹر کی دو بوگیوں کو حادثہ پیش آیا ہےجس کے نتیجے میں 26 افراد زخمی ہوگئے۔
رولر کوسٹر کی بوگیاں آپس میں ٹکرا نے کی وجہ سے 6 بچوں سمیت 26 افراد زخمی ہوئے ہیں، حادثہ اسپین کے دارالحکومت میڈرڈ کے تھیم پارک میں پیش آیا۔
پارک کے رولر کوسٹر کی ایک بوگی سرنگ میں خراب ہو کر رک گئی اور پیچھے سے آنے والی دوسری بوگی اس سے ٹکرا گئی۔
زخمیوں میں 10سال سے کم عمر کے 6بچے بھی شامل ہیں، حکام واقعے کی تفتیش کر رہے ہیں۔