ریکارڈ ٹیمپرنگ: ظفر حجازی کی ضمانت قبل از گرفتاری منظور

ریکارڈ ٹیمپرنگ کیس میں چیئرمین ایس ای سی پی ظفرحجازی کی 5 روز کے لئے ضمانت قبل از گرفتاری درخواست منظور کرلی گئی۔

اسلام آباد ہائی کورٹ میں اسپیشل جج سینٹرل طاہر محمود ریکارڈ ٹیمپرنگ کیس کی سماعت کر تے ہوئے ظفر حجازی کو ڈھائی ڈھائی لاکھ روپے کے دو مچلکے جمع کرانے کی ہدایت جاری کی ہے۔

سماعت سے قبل ظفر حجازی نے 13 جولائی کو اسلام آباد ہائی کورٹ سے راہداری ضمانت لی ہوئی تھی۔ان کے خلاف ایف آئی اے نے سپریم کورٹ کے حکم پر مقدمہ درج کیا تھا ۔

واضح رہے کہ چیئرمین ایس ای سی پی ظفرحجازی کیخلاف مقدمہ ریکارڈ میں ردوبدل کرنے اور ماتحت عملے پردباؤ ڈالنے کے الزام میں درج کیا گیا ہے۔