کراچی: صدر، لیاری ،گلستان جوہر سمیت مختلف علاقوں میں بارش

کراچی کے مختلف علاقوں میں رات کے اوقات میں ہلکی بارش اور بوندا باندی ہوئی جس سے موسم خوشگوار ہوگیا، شارع فیصل پر پھسلن کے باعث ٹریفک حادثے میں دو افراد زخمی ہو گئے۔

کراچی کے علاقوں کورنگی، صدر، لیاری، آئی آئی چندریگر روڈ ، شارع فیصل ،گلستان جوہر،فیڈرل بی ایریا، لیاقت آباد، سرجانی ٹاؤن، نیو کراچی، نارتھ کراچی، ناظم آباد سمیت مختلف علاقوں میں رات گئے ہلکی بارش اور بوندا باندی ہوئی ۔

بارش سے موسم خوشگوار ہوگیا، تاہم شارع فیصل پر پھسلن کے باعث تیز رفتار گاڑی الٹ گئی جس کے نتیجے میں دو افراد زخمی ہوگئے۔

ریسکیو ذرائع کے مطابق دونوں زخمیوں کو طبی امداد کے لیے جناح اسپتال منتقل کردیا گیا ہے۔