کوئٹہ: نامعلوم افراد کی فائرنگ، 2 افراد جاں بحق

کوئٹہ کے علاقے کاسی روڈ پر نامعلوم افراد کی فائرنگ سے دو افراد جاں بحق جبکہ ایک زخمی ہوگیا۔

پولیس کے مطابق کلیم اللہ اور امین اللہ نامی دو افراد کار میں کاسی روڈ سے گزر رہے تھے کہ موٹرسائیکل پر سوار نامعلوم افراد نے ان پر فائرنگ کردی۔

فائرنگ کے نتیجے میں کلیم اللہ اور امین اللہ جبکہ ایک راہ گیر عاطف پراچہ زخمی ہو گئے، جنہیں سول اسپتال منتقل کیا گیا۔

اسپتال میں کلیم اللہ اور راہ گیر عاطف پراچہ زخموں کی تاب نہ لاتے ہوئے دم توڑ گئے، جبکہ زخمی امین اللہ کی حالت بھی تشویشں ناک بتائی جاتی ہے۔

واقعے کے بعد پولیس اورایف سی موقع پر پہنچ گئی جنہوں نے علاقے کو گھیرے میں لے لیا۔