قومی ادارہ برائے امراض قلب کی انتظامیہ نے جنرل وارڈ میں آنے والے اور داخل تمام مریضوں کا علاج مفت فراہم کرنے کااعلان کر دیا ہے ۔
اس سلسلے میں اسپتال کے ایگزیکٹو ڈائریکٹر ڈاکٹر ندیم قمر نے منگل 18جولائی کواعلامیہ جاری کیا جس کے تحت تمام متعلقہ شعبہ جات کو مطلع کیا گیا ہے کہ 18جولائی سے جنرل وارڈ میں مریضوں کو تمام سہولیات مفت فراہم کی جائیں گی ۔
ان سہولیات میں ایمرجنسی ٹوکن ، داخلہ فیس، جنرل او پی ڈی چارجز، ای سی جی، ایکو، ای ٹی ٹی، ایکس رے اور لیبارٹری چارجز شامل ہیں ۔