بھارتی صدارتی انتخابات، ووٹوں کی گنتی جاری

بھارتی صدارتی انتخابات کیلئے ہونے والی ووٹنگ کے بعد اس وقت ووٹوں کی گنتی جاری ہے جس کے بعد نتائج کا اعلان آج کیا جائے گا، موجودہ صدر پرناب مکھرجی کے دورہ صدارت کی مدت 25 جولائی کومکمل ہوجائے گی۔

صدارتی انتخابات میں اپوزیشن امیدوار میرا کمار اور حکمران اتحاد کے امیدوار رام ناتھ کووند کے درمیان مقابلہ تھا،جو امیدوار 50 فیصد سے ایک بھی زائد ووٹ حاصل کرنے میں کامیاب ہوگا ،وہ بھارت کا نیا صدر منتخب کرلیا جائے گا۔

رام ناتھ بہار کے سابق گورنر رہ چکے ہیں، جبکہ میرا کمار لوک سبھا کی سابق اسپیکر ہیں، دونوں امیدوار دلت برادری سے تعلق رکھتے ہیں ۔