رام ناتھ کووند بھارت کے 14 ویں صدر منتخب

بھارتی حکمران جماعت کے امیدوار رام ناتھ کووند بھارت کے صدر منتخب ہوگئے ،رام ناتھ کووند بھارت کے 14 ویں صدر ہوں گے۔

صدارتی انتخابات میں رام ناتھ کووند نے 65.65 فیصد ووٹ حاصل کئے ،جبکہ اپوزیشن اتحاد کی امیدوار میرا کمار 34.35 فیصدووٹ حاصل کرسکیں ۔

اتر پردیش سے تعلق رکھنے والے رام ناتھ کووند، دلت رہنما اور بی جی پی کے رکن ہیں،1994 میں پارلیمنٹ کے رکن بنے اور 2015 سے 2017 تک بہار کے گورنر رہے ۔بھارت کے موجود ہ صدر پرناب مکھرجی کی صدارت کی مدت 25 جولائی کو مکمل ہو رہی ہے۔