میچ فکسنگ، ومبلڈن و فرنچ اوپن کے میچز کی تحقیقات کا انکشاف

ٹینس میں ایک بار پھر میچ فکسنگ کی بازگشت سنائی دی جانے لگی ہے۔ ومبلڈن کے3 اور فرنچ اوپن کے ایک میچ میں فکسنگ کی تحقیقات ہونے کا انکشاف ہوا ہے۔

کرکٹ، فٹ بال کے بعدٹینس پر بھی میچ فکسنگ کے بادل چھانے لگے ہیں۔ برطانوی میڈیا نے انکشاف کیا ہے کہ ومبلڈن اور فرنچ اوپن کے میچز میچ فکسنگ کی زد میں ہیں۔

ٹینس انٹی گریٹی یونٹ کے مطابق ومبلڈن کے3 جبکہ فرنچ اوپن کے ایک میچ میں ممکنہ فکسنگ کا جائزہ لیا جا رہا ہے۔ ومبلڈن کا ایک میچ مین ڈرا کا ہے۔

برطانوی میڈیا کے مطابق اپریل سے جون کے درمیان یونٹ کو 53 الرٹس موصول ہو ئے جس کے بعد ممکنہ فکسنگ کا جائزہ لیا جا رہا ہے ۔