نارتھ ناظم آباد کراچی ،2 مختلف علاقوں سے 3 لاشیں برآمد

21 جولائی ، 2017

3 Dead Bodies Found From 2 Areas Of North Nazimabad Karachi

کراچی کے علاقے نارتھ ناظم آباد سے 2مختلف مقامات سے خاتون سمیت 3افراد کی لاشیں ملی ہیں، پولیس نے ایک واقعے کو کاروکاری جبکہ دوسرے کو خود کشی قرار دیا ہے ۔

کراچی کے علاقے نارتھ ناظم آباد فاروق کالونی میں گھرسے خاتون اور مرد کی لاشیں ملی۔

پولیس کے مطابق مقتولہ کلثوم اور ساجد کو تیز دھار آلے سے قتل کیا گیا ہے، ابتدائی تفتیش کے مطابق واقعہ کاروکاری کا نتیجہ لگتا ہے، مقتول ساجد کلثوم سے ملنے اس کے گھر آیاتھا۔

ایس پی گلبرگ بشیر بروہی کے مطابق لڑکی کے والد اور دو بھائیوں نے ساجد کو پکڑ لیا اور دونوں کو تیز دھار آلے سے قتل کرکے فرار ہوگئے۔

نارتھ ناظم آباد قلندریہ چوک کے قریب گھر سے 26سالہ نوجوان کی گلا کٹی لاش ملی ہے، مرنے والے کی شناخت 26سالہ ناصر کےنام سے ہوئی ہے۔

پولیس کے مطابق واقعہ خودکشی ہے اور متوفی نفسیاتی مریض تھا اور اس سےقبل بھی خود کشی کی کوشش کر چکا ہے۔

تازہ ترین