مقبوضہ کشمیر میں بھارتی فوجیوں نے ضلع بڈگام میں ایک کشمیری نوجوان کو شہید کر دیا۔کٹھ پتلی انتظامیہ نے مسلسل پانچویں ہفتے بھی جامع مسجد سرینگر میں نماز جمعہ ادا کرنے کی اجازت نہیں دی۔
کشمیر میڈیا سروس کے مطابق بھارتی فورسز کی طرف سے مقبوضہ علاقے میں نہتے شہریوں کے قتل عام کے خلاف آج مکمل ہڑتال بھی کی گئی۔
بھارتی فوجیوں اور پولیس اہلکاروں کی طرف سے پر امن مظاہرین پر گولیوں اور پیلٹ کی فائرنگ اور آنسوگیس کی شیلنگ کے نتیجے میں آج ایک نوجوان شہید جبکہ متعدد زخمی ہو گئے۔
بھارتی پولیس نے جموںوکشمیر لبریشن فرنٹ کے چیئرمین محمد یاسین ملک کو دیگر ساتھیوں کو ہمراہ سرینگر کے علاقے ڈلگیٹ میں اس وقت گرفتار کر لیا جب وہ سونہ وار کے علاقے میں قائم اقوام متحدہ کے فوجی مبصرین دفتر کی طرف مارچ کررہے تھے جسکی کال مشترکہ مزاحمتی قیادت نے دی تھی۔