پمز اسپتال میں خاتون رپورٹر پر تشدد، بلاول و زرداری کی مذمت

اسلام آباد کے پمز اسپتال میں ظفرحجازی کے رشتےداروں اور میڈیا نمائندوں کے درمیان ہاتھا پائی ہوئی ہے، ایف آئی اے اہلکاروں اور ظفرحجازی کے رشتےداروں نے نجی چینل کی خاتون رپورٹر کو دھکے دیے۔

ایف آئی اے اہلکاروں نے نجی چینل کی خاتون رپورٹر کو کچھ دیر حراست میں رکھنے کے بعد چھوڑ دیا۔

سابق صدر آصف زرداری اور چیئرمین پیپلز پارٹی بلاول بھٹوزرداری نے پمز اسپتال میں خاتون رپورٹر پر تشدد کی مذمت کی ہے۔

بلاول بھٹو زرداری کا اپنے مذمتی بیان میں کہنا ہے کہ صحافیوں پر کسی قسم کا تشدد برداشت نہیں کریں گے۔