جھنگ میں مکان کی دیوار گرنے سے بچہ جاں بحق

جھنگ میں ایک مکان کی بوسیدہ دیوار گرنے سے ملبے تلے دب کر ایک بچہ جاں بحق اور 3 افراد زخمی ہوگئے۔

ریسکیوذرائع کے مطابق افسوسناک واقعہ جھنگ روڈ پر مدنی مسجد کے قریب پیش آیا جب محمد ارشد نامی شخص کے گھر کی بوسیدہ دیوار اچانک گرگئی۔

ذرائع کے مطابق گرنے والی دیوار کے ملبے تلے دب کر کم سن بچہ انصر عباس جاں بحق جبکہ 10 سالہ کنول، 6 سالہ مونا اور معمر خاتون کنیز فاطمہ زخمی ہوگئی۔