منفی سیاست کا ہر حربہ ناکام رہے گا، شہباز شریف

وزیراعلیٰ پنجاب شہبازشریف کا کہناہےکہ عوام کی ترقی کےمخالفین جان لیں کہ ان کی منفی سیاست کا ہر حربہ ناکام  رہے گا، ہر روز نیاسیاسی تماشا لگا کر عوام کی قسمت کھوٹی کرنے والے ہوش کے ناخن لیں، پے در پے شکستوں سے بھی نیازی صاحب نےکوئی سبق نہیں سیکھا۔

لاہورسےجاری بیان میں ان کا کہنا تھا کہ ملکی ترقی کے خلاف سازش پر عمران خان کا نام تاریخ میں سیاہ حروف سے لکھا جائے گا۔

انہوں نے کہا کہ دھرنوں، لاک ڈاؤن، سول نافرمانی اور احتجاج کے ذریعے ترقی روکنے کی کوشش کی گئی، روز سیاسی تماشا لگا کر عوام کی قسمت کھوٹی کرنے والے ہوش کے ناخن لیں۔

شہباز شریف نے کہا کہ عوام نے احتجاجی سیاست سے لاتعلق رہ کران عناصر کے منفی عزائم کوناکام بنایا جب کہ پے درپے شکستوں سے نیازی صاحب نے کوئی سبق نہیں سیکھا۔

وزیراعلیٰ پنجاب کا کہنا تھا کہ عام انتخابات کے علاوہ ضمنی اور بلدیاتی انتخابات میں بھی عوام نے جھوٹ کی سیاست کے علمبرداروں کو مسترد کیا ہے۔