وزیر اعظم میاں نواز شریف کی صاحبزادی مریم نواز نے کہا ہے کہ عمران خان کی نامکمل منی ٹریل ہے،انہوں نے سپریم کورٹ میں نامکمل منی ٹریل دینے کا تحریری اعتراف کیا ہے۔
مریم نواز نے عمران خان کے سپریم کورٹ میں جمع کرائے گئے جواب پر سوشل میڈیا میں دیے گئے بیان میں عمران خان سے مخاطب ہوتے ہوئے کہا ہے کہ تم دوسروں کے خلاف سازشوں میں مصروف تھے۔
انہوں نے کہا کہ دوسرے کے عیب تلاش کرتے کرتے تمہارے اپنے عیب سامنے آگئے، تم نےدوسرے کے عیب تلاش کرتے اپنی الماری کھلی چھوڑ دی، الماری کھلی چھوڑنے سے تمہارے اپنے ڈھانچے گرگئے ۔
مریم نواز نے مزید کہا کہ تم نے گہرا رازچھپا رکھا تھا، وہ سب کے سامنے آگیا، اللہ کا اپنانظام ہے، اپنے طریقے ہیں،دوسروں پر تہمت نہ لگاؤ۔
انہوں نے یہ بھی کہا کہ سبق یہ ہےکہ جھوٹ سے دوسروں پر یلغار کرنے والے مت بھولیں سچ انہیں بھی برباد کر سکتا ہے۔