تحریک انصاف کے ترجمان فواد چوہدری نے کہا ہے کہ عمران خان کی منی ٹریل کو پاناما کیس جیسا سمجھنا بلی کے خواب میں چھیچھڑے جیسا ہے۔
انہوں نے مزید کہا کہ بنی گالا کی منی ٹریل پوری کرتے ہی ن لیگ کا کیس ختم ہوگیا، اب صرف عدالت کے کہنے پر لندن فلیٹ کی منی ٹریل دے رہے ہیں ۔
فواد چوہدری کا یہ بھی کہنا ہے کہ عمران خان کا لندن کا فلیٹ ایک لاکھ 17ہزار پاؤنڈ کا تھا مگر ان کے وکلاء نے ساڑھے تین لاکھ کی رسیدیں دے دی ہیں، یہ کیس ردی کی ٹوکری میں جائے گا۔