غیر معیاری آئل ٹینکرز کو پٹرول ترسیل کی اجازت نہیں،اوگرا

اوگرا کا کہنا ہے کہ معیار پر پورا نہ اترنے والے آئل ٹینکرز کو پٹرولیم مصنوعات کی ترسیل کی اجازت نہیں دی جائے گی خلاف ورزی کرنے والوں کیخلاف کارروائی کیلئے ٹیمیں فیلڈ میں موجود ہیں۔

ترجمان اوگرا نے جیو نیوز سے گفتگو میں بتایا کہ آئل کمپنیز ایڈوائزری کونسل سے حاصل رپورٹ کے مطابق 12ہزار میںسے صرف 40فیصد آئل ٹینکرز معیار کے مطابق ہیں،غیر معیاری آئل ٹینکرز کے معاملے پر نرمی نہیں برتی جائےگی۔

ترجمان کے مطابق آئل ٹینکرز کو موٹر وہیکل ایگزامینر سے فٹنس سرٹیفکیٹ ، چیف انسپکٹر ایکسپلوسوزسے لائسنس لینا ضروری ہے اس کے ساتھ آئل ٹینکر زکے ایکسل کی تعداد بھی این ایچ اے کے مقررہ معیار کے مطابق ہو نا ضروری ہے۔

ترجمان نے کہا اوگرا ٹرانسپورٹیشن رولز میں آئل ٹینکرزکیلئےرعایت کی کوئی گنجائش نہیں معیار پر پورا نہ اترنے والے آئل ٹینکرز کے خلاف کارروائی کیلئے صوبوں کو بھی لکھ دیا گیا ہے۔