ن لیگ نے ہر اسکیم میں کرپشن کی ہے، پرویز الٰہی

مسلم لیگ ق کے رہنما پرویز الٰہی نے کہا ہے کہ ن لیگ نے ہر اسکیم میں کرپشن کی ہے ۔ لیپ ٹاپ اسکیم،دانش اسکول میں کرپشن کی گئی ہے۔ جنگلہ بس سروس پر لاگت عالمی معیار سے بھی زائد ہے ۔

لاہورمیں میڈیا سے گفتگو میں پرویزالٰہی کا کہنا تھا کہ ایل ڈی اے کا ریکارڈ جلا دیا گیا، جنگلہ بس سروس کے ایسکیلیٹر بھی چین سے منگوائے گئے، جنگلہ بس سروس نقصان میں چلائی جارہی ہے۔

انہوں نے کہا کہ میٹرو اورنج لائن ٹرین منصوبہ بھی کرپشن کا شکار ہےجبکہ چینی ماہرین نے اورنج لائن ٹرین کے پلرز کو بیکار قراردےدیاہے۔