سندھ میں کرپشن کیلئے قانون ختم کیا گیا ،امیر مقام

وزیر اعظم کے مشیر امیر مقام نے کہاہےکہ کرپشن کے خاتمے کی باتیں کرنے والوں نے سندھ میں کرپشن کے لیے قانون ختم کیا ۔

پشاور میں شمولیتی تقریب سے خطاب کے دوران امیر مقام نے کہا کہ خیبر پختونخوا میں عمران خان نے بھی احتساب کے نظام کو تالا لگا کر چابی جیب میں ڈال لی ۔

ان کا مزید کہناتھاکہ باہر سے سازشیں کرنے والوں کو پاکستان کی ترقی برداشت نہیں ہوتی۔

امیر مقام نے کہا کہ پاکستان کے خلاف سازشیں کرنے والے ملک سے باہر ہوں یا اندر ، مسلم لیگ ن ان کا مقابلہ کرے گی ۔